Neuste Posts
Game Night
6 März 2024Events
Üses ersta Event stoht schu fast vor dr Tür: Am 14.03 ab 18:30 bim Kennedys Irish Pub findet de Spieliobig statt. Mir fanged mit em kurza Pub Quiz aa, mit a paar kliina Priis z verteila, denn teiled mir üs in Gruppa uuf und spieled verschiedeni Karta- und Brettspieli mitenand!
GV 2024
22 Februar 2024Admin
Es freut üs, d GV 2024 aazkünda. Am 07.03.2024 um 19:00 Uhr in der ETH Hauptgebäude Raum F50.3 findet d Präsentation statt, gfolgt vum gmüatlicha Abklinga im bQm.
Hosting Nachtseminar
7 Dezember 2023Archiv
Mir freued üs hüt wieder es Hosting bim Nachtseminar im Plaza z organisiara! Am Donnstig, 07.12.2023 ab 22:00 goht’s los! Bim Iigang kriaged iahr a Nummera zuateilt, findet öppert mit dr gliicha Nummera und gwünned en Gratis Drink!
Glühwein Abend
27 November 2023Archiv
Wiahnachta ruckt schu nöcher aa, und zum Aalass organisiared mir en kliina Glüahwiiobig :)
Bündner Fest
16 November 2023Archiv
Z Bündnerfest isch en riisa Hit gsii, danka an alli wo debii gsii sind!
Bündnertreff
17 Oktober 2023Archiv
Mir freued üs z ersta Bündnertreff aazkünda! Am 26.10.2023 ab 18:00 Uhr isch z a Bar für üs reserviart, kömmed au und lerned neui Studis ussem Bündnerland kenna!
Völkerball Turniar ASVZ
6 September 2023Archiv
Am letschte Fritig simmer wieder uf em Spielfeld gsi und händ üs de Adrenalinrusch bim Völkerballspiels hiige und dra Spass kah. Mier händ dabi üses beste ge und 3 vu 4 Spieli gwunne😊
Grillplausch am Semesterstart
5 September 2023Archiv
Danka für eueres zahlriicha erschiina, es isch en mega coola obig gsii 😄
Bündnerclub Stickers
24 Mai 2023Admin
Üsi neui Sticker sind da! Khum bi eis vu üserna Events verbii und hol din eigena für uf de Laptop, uf z Arbeitsheft oder wo au immer.
GV Event Bericht
8 Mai 2023Archiv
Es isch en richtig coola Obig worda! Am Aafang hemmr üsi GV vorgno und di neua Vorstandsmitglieder iigweiht, drnoch hemmr es ‘Quingo’ gspielt, en Mix us Bingo und Quiz. Danka an alli wo mitgmacht händ :)